Yaa'iin Lallaba Wangeelaa Dhaabbataan Afaan Oromootiin Finfinneetti Eegalamuufi

Waldaan Duuka Bu'ootaa Magaalaa Finfinneetti Afaan Oromootiin yaa'ii ji'aa itti fufiinsaan eegaluufi. 

Yaa'iin kunis sagantaawwan afuurawaa heddu of keessatti kan qabatu yoo ta'u iddoon yaa'ichi itti adeemsifamus kawaala/Gadaamii/ Qulqulluu Gabri'eel kiiloo Afuritti argamutti,galma mana baruumsa sanbataa Amde-hayimanootiitti. Waldichi marii baldhaa koree bulchiinsa mana sanbatichaa seenaa tajaajilaa yeroo dheeraa qabu kana waliin taasisuudhaan yaadni waldichaan dhiyaate fudhatama waan argateef, hojiiwwan kana dura waldichi hojjeteefi hojjechuuf karoorfate erga madaalamee fi tattaaffiwwan waldichi kana dura Afaan Oromootiin raawwachaa ture yeroo dheeraan fudhatamee waan madaalameef heyyama sagantaa Afaan Oromoo kana Finfinneetti akka adeemsisuuf gammachuudhan simataniiru. Kuni hunduma keenyaaf, keessumattuu jiraattota magaalaa Finfinnee yaa'ii Afaan Oromoo hordofuu barbaadaniif karra kan saaqedha.Eegaluun sagantaa kanaa ergaan isaa akka laayyotti kan ilaalamu miti. Waldaa Duuka Bu'ootaa Onkololessa 2004 irraa eegalee tajaajila afuurawaa baldhaa mana kiristaana Ortodooksii Tawaahidoo jalatti Afaan Oromootiin kennuu irratti kan argamudha. Dabalata sagantaa fi guyyaa akkasuams sa'aatii yaa'ichaa kan isin biraan geenyu ta'a. Galanni Waaqa Jiraataaf haa ta'u//