Yaa’iin walii galaa Sadaffaan Waldaa Duuka Bu'ootaa Adeemsifame

Maqaa Abbaa kan Ilmaa kan Afuura Qulqulluu Waaqa Tokkoon.Ameen!

 Yaa’iin walii galaa sadaffaan magaalaa Burraayyuu, Bataskaana Tsirha Tsiyoon Abune TekleHayimaanootitti guyyoota lamaaf kan adeemsifame yoo ta’u  ajandaawwan gara garaa irratti mari’ateera.  Haala tajaajilli Afaan Oromoo irra jiru caalatti waaltessuuf akkasumas cimsuuf karoorri yeroo dheeraa fi yeroo gabaabaa bahee akka hojiirra oolu irratti mari’atameera.Karoora raawwii hojii bara 2006 dhiyeessun karoorri bara 2007 akkasumas danbiin ittiin bulmaata waldichaa irrattis mari’atameera.

Waldaan Duuka Bu’ootaa bara 2004 kan hundeeffame yoo ta’u, jalqaba maqaa Nahimiyaa jedhamuun waamama kan turedha. Kaayyoon waldichaas danbii seeraa fi barsiisa amantaa Ortodooksii bu’ureeffachuudhaan sagalee Waaqayyoo Afaan Oromootiin waliif qooduu dha!