Maqaa Abbaa kan
Ilmaa Kan Afuura Qulqulluu Waaqa Tokkoon. Ameen.
Maariyaamii
Tsiyoon(Maariyaamii Sadaasaa)
Waa’ee guyyaa
kanaa ajaa’iba guyyaa kana raawwate dubbachuuf Waaqayyo hanga nu beeksise, hanga nutti ibse, wanta
abboota keenya irraa dhageenye fi agarre, dubbifnee fi qalbifanne dursummaa Afuura
Qulqulluutiin dubbanna. Waa’ee sagalee isa gamoon hin daangessine baldheensi fi
tulluun hin hanbisnee, waa’ee isa kitaaba jireenya irra jiru dubbanna. Waa’ee Haadha
Ulfinaa; haadha kabajaa keenyaa Waa’ee Dubroo Maariyaam dubbanna. Fakkeenya
Dubroo Maariyaam maqaa Tsiyooniin kan moggafamte waa’ee Taabota Tsiyoonis
dubbanna. Wanta dubbifnu haa qalbifannu, wanta qalbifannu haa amannu, laphee
amantaa fi of gadiqabummaatiin iccitii namoota heddu jalaa dhokatee nu
kiristiyaanota Ortodoksiitiif ife kana akka qalbifannuu Ilmi Waaqa Jiraata Goftaan
keenya nu haa gargaaru.
Tsiyoon jechi
jedhu waamicha wantoota afuriif akka gargaaru Kitaabni jireenya nutti hima. Isaanis tokko; Iyyaruusaleem keessatti
tabba xiqqoo tokkotu argama, tabbi kunis
maqaa Tsiyoon jedhamuun waamama(2Sam 5:7). Kan lammataa Iyyaruusaleem keessa namooni
jiraatan Tsiyoon jedhaman “Ati ka’i Tsiyooniif dhiifama godhi,” jechi kun
namoota “Tsiyoon” keessa jiran ibsa
(Faar 102/103:13). kitaaba qulqulluu keessatti namoota maqaa biyyatiin
waamuun waan baratameedha. Kan sadaffaa Mootumman samii Tsiyoon jedhamti. “Isin garuu magaala Waaqa jiraataa kan taate
gara tulluu Tsiyonitti, gara Iyyaruusaleem
ishee samiiwwan keessaa, kitilli ergamoota
gammachuudhaan keessa jiratanii gees- sani ittu” (Ibr.12:22)
Kan Afraffaa ammoo
Dubroo Maariyaam: Egaa akkuma kanaa olitti ilaalle jechi Tsiyoon jedhu kun moggaasa gara garaaf haa oolu malee
baldhinaan kan ibsu waa’ee haadha
keenyaa Dubroo Maariyaamiiti. Kanaaf
Kakuu moofaa(durii) keessatti
Tsiyoon kan jedhamte Dubroo Maariyaamii dha.
Raajaa Daawit waa’ee haadha Gooftaa keenyaa akkana jedha: Faar. 86(87):5 irratti, “namni haadha keenya
Tsiyoon jedha, ishee keessattis namni
dhalate” Egaa wanti hubachuu fi adda baasuu qabnu, armaan olitti waa’ee
tabbaa kaasuun keenya ni yaadatama. Haa
tahu malee as irratti himni ‘haadha keenya’
kan jedhu kun kan tabba namni keessatti dhalatu ibsu miti, tabba keessatti namni dhalachuu hin
dandahuuti. Kanaaf namni kan keessatti
dhalate haadha keenya Maariyaamii waan taateef
Tsiyoon jedhamti. Nama Kan jedhames “Ilma namaa” kan jedhame Iyyasuus Kiristoosi dha.
Kanaafis “ilma
namaatti kan amanu hundinuu jireenya
bara baraa haa qabaatuf ta’e” jedhamee barraa’eera (Yoh 3:15). Isaayyas
raajichi raaga isaa boqonnaa 60:14 irratti, ilmaan warra si cunqursaa turan amma miila kee
jalatti ni kufu; isaan ati mandara
Waaqayyoo fi Tsiyioon mandara Waaqayyoo ishee
qulqullu kan Israa’el jedhanii si moggaasu jedhee kan dubbates kanumaaf ture. Raagni “Namni haadha
keenya Tsiyoon jedha,” jedhu kuni kan
raawwate karaa haadha Gooftaa dubroo Maariyamiitini. Gooftanis fannoo irratti karaa qulqulluu
Yohaannisiin “kunooti haati kee” jedhee
dubbatee haadhumma ishee bara baraaf nuuf kennee jira. (Yoh 19:27). Kanaaf
akkuma qulqulluu Yohaannisiif haadha
taate, ijoollee Addaamiifis haadha taatee jirti.
Guyyaa kana
Taabotni fakkeenya Dubroo Maariyaamiitiin kan moggaafamte Taabotni Tsiyoon
guyyaa Xaa’ota(waaqarkee) namaan tolfame Daagoon jedhamu caccabsitee Filisxeemota
salphifte dha. Ijoolleen Luba Eelii lamaan, Afniini fi Finhaasii jedhaman sababa
cubbuu sadi raawwataniin Taabotni Tsiyoon booji’amtee turte. Tokko ibsaa yeroo
hunda ifu kan Museen teessise akka hin ifne iddoodhaa kaasuun, lammaffaa aarsaa
dhiyaachaa ture jalqaba osoo Waaqayyoof hin dhiyaatiin ofii isaaniif nyaacha turuun, sadaffaa
dubartoota gara mana qulqullummaa dhufan waliin ciisuun cubbuu gurguddaa kana
waan raawwataniif Waaqayyoon dheekkamee
Israa’eloonni akka moo’ataman, ijoolleen kunis akka du’an Taabotni Tsiyoonis
akka booji’amtu sababa ta’e.(1Sam 5:4). Yeroo kana Filisxeemonni Taabota booji’an
kana mana Xaa’ota isaanii keesaa Daagon jala yemmu kaa’an ganama yemmuu deebi’an
garuu Daagon Taboticha jalatti kufee caccabee argan. Ajaa’iba kanaaf kan kana
fakkatan heddu taabotichi waan raawwateef Filisxeemonni harka-fuudha waliin Taaboticha
deebisaniiru. Kanaaf guyyaan kuni ni yaadatama.
Taabotni ajaa’iba
akkanaa hojjette kuni gara biyya keenyaa iddoo Aksum kan dhufte Sadaasa 21 waan
ta’eef guyyaan kuni yeroo sana irraa eegalee kabajamee ni oola. Bara Yoodiit Guditis
baqannaa waggoota 40 booda hora danbal
irra erga turte booda deebitee kan galte guyyuma kana akka ta’es ni himama//
Galatni
Waaqayyoof haa ta’u. Araarsummaan haadha keenya warra nu waliin haa ta’u. Waaqayyo
Waldaa keenya haa eebbisu. Dubroo Maariyaamis araarsumma isheetiin nu haa
mildhattu.Ameen
