Beektuu Laata?
Gadaamii
Asaboot(Harargee Lixaa)
Gadaamiin
Asaboot Harargee Lixaa aanaa Mi’eessoo Tulluu
Asaboot irratti argama. Jaarraa 13ffaa keessaa Qulqulluu Abuuna
Samulel ze debrewegeg jedhamuun hundaa’e. Abuna Samuel Arsiitti, Baalee fi
Adaal duriitti deddeebi’anii wangeela kan
barsiisan yoo ta’u bartoota Abbaa
Taklee(Abune Tekle Haymanot) keessaa tokko turan. Affaar keessattis gadaamii
Dabrekirub kan
jedhamu hundeesanii akka turan seenan raga baha. Gadaamii kana keessa
bataskaana lamatu jiru. Inni tokko Maqaa Aabbaa Samu’eelin kan ijaarame gadaamii dubartoota qofa hoo
ta’u Samu’el ze debre wegeg jedhama. Wegeg jechuun ifa jechuudha. Inni kuun
maqaa Qulqulleettii Sillaaseetiin kan
ijaarame dha, kun gadaamii dhiiraati.
Bara
lola Giraanyis badiinsa guddaatu irra ga’e. Ergasii gadaamichi gutumaan
guututti barbadaa’ee bara 1912 deebi’ee banamuu danda’eera. Yeroo baay’es
gubateera. Bara 1929 ammoo gara Somaliyaatiin kan seene lolli Xaliyaan gadaamicha ni gube.
Monoksoonnis Taabota fuudhanii gara gara
Dabralibaanositti baqataniiru. Ergasiis irra deebi’ame ijaaramee bara 1952 tti xumurame.
Leencii fi qeerransis gadaamii kana keessatti kan argaman yoo ta’u nama irratti garuu
rakkoo homaatuu hin geessisan. Osoo dhaqxanii daawwattanii suga iddoo sanaa
argattanii baay’ee gaariidha.!
No comments:
Post a Comment
Note: Only a member of this blog may post a comment.