Amantaan har’a
jiru kun qulqullina isaa eegee kan
har’a gaye abbootiin darban ijoollee isaanii ciminaan waan barsiifataniif akka
ta’e ni beekama. Labatni/Dhaloonni itti aanu amantii kana haala itti fufinsa
qabuun amantiikoo jedhee akka dhaaluu danda’uuf ijoollee har’a jiran irratti
bal’inaafi ciminaan hojjechuun barbaachisaadha.
Kanaafuu mata duree
kana jalatti Kitaaba Qulqulluu irraa akka ijoolleedhaaf ta’utti seenawwan
abboota beekkamoo, gorsa, abboommii fi gaaffiiwwan gaggaabaaboo qopheessuun
ijoolleen akka itti hirmaataan gochuuf kan
qophaa’edha. Kana jechuun ijoolleen baayyeen tajaajila internate ni argatu
jechuu osoo hin taane, warri ijoollee barreeffamoota kana as irraa fudhatanii
piriint gochuudhaan mana isaanitti ijoolleef akka kennan yookaan dubbisaan
dhageessistanii daa’imman akka gorsaniifi akka jajjabeessan yaadameetudha.
Kanaaf as irratti hirmaannaan maatii/warra ijoollee
baayyee barbaachisaadha. Ijoollee keenyaaf yeroo hunda fiilmii gara garaa
agarsiisuu cinaatti akka soda Waaqayyoo qabatanii fi lammii gaarii boru
biyaafis ta’e ofii isaaniitiif lammii bu’aa guddaa buusuu danda’u gochuuf
baruumsi amantaa ga’ee hammana hin jedhamne waan taphachuu danda’u akka ta’ee kan nama shakisiisu miti.
No comments:
Post a Comment
Note: Only a member of this blog may post a comment.