WNA.018. Kadhannaa Kamisaa fi Sirna Jimaataa

Kadhaa kamisaa(Tsaloota Haamus): Guyyaan  kun Gooftaan gad of qaqqabummaa dhaan kan duukabu’oota isaa miila itti dhiqee dha, kan duuka bu’oota isaa waliin nyaatedhas fi bu’ura jireenya  kiristaanummaa kan ta’ee iccittin qurbaana guyyaa itti hunda’ee(bu’uure) dha.  Guyyaan kun dabalatan duuka bu’oota isaatiin isin keessa tokko dabarsee na kenna kan jedheen, Yoohannis gara isaatti dhiyaatee eenyutu si kenna yemmuu jedhuutti , mallattoo kan itti argate, Geetasamanitti rakkinni (tsiwwaa ykn xoofooon) kun narraa haa darbituu jedhee kadhachuu isaa; kunis kan ibsuu yeroo qorumsaa, rakkinaa kadhaan akka barbaachisu kan itti barsisee dha., nuti yeroo hundaa eeyyama isaa raawwachaa akka jiraannuuf, nama ta’ee muldhachuu  isaa ragaa bahuuf, cubbuu Addaam dhiifamuuf (fayyina )kan argatu  du’a kanaan wanta ta’eef dhiphinni Addaam ammaam cimaa akka ture gaafachuufi , fuldura isaattis addaa fi akka dhiigaati kan coccobuu guyyaa itti bu’e, dhumarrattis Yihuudan ilma nama dhungoo dhaan dabarsee akka kennuu kan itti dubbatame, qulqullicha Pheexiroosiin gurri Maalkoos kan cite deebi’ee kan itti fayyisee dha.

Duuka bu’aa isaatiinis warreen seefii kaasan seefii dhaan baduu, bakka kaastetti deebisi jedhee kan ajajee dha.Warreen qabuu dhufan jecha Isaa qofaan lafarraattii kufani, eeyyama isaanitinis Ayihuudotaatti dabarsee guyyaa itti of kenne dha.Yaadannoo kana hundaaf guyyaa Kamisaa qeesotni (luubotni) bishaan gabatee dhaan qopheessani fakeenyaa Gooftaatin jalqaba luboota ,ummataa  miila isaanii tartibaan ni dhiqu. Har’a garuu kan firoota isaa miila dhiquu iyyuu hin jiru. Qulqullun pheexiroos yoon miila kee dhiquu baadhe ana waliin tokkumma hin qabdu yemmuu jedhuunitti, miila koo qofa osoo hin taanee, qaama koo  hunda na dhiqi jedheen, dhiqatees. Nutis cubbuu irraa bilisa (qulqulla’uu) akka taanuf, amantaa dhaan dhiyaannee, boo’icha gaabbiitin dhiqachutuu nurra jiraata, Waaqayyoo waliin tokkummaa akka qabannee dhaaltuu mootummaa isaa taanuf.

Kadhaa kamisaaf ayyaana qexxaa jechuu irraan kan hafee, guyyaa iccitii guddaa jedhamee beekama sababni isaas iccitii qurbaana kadhaa waliin tokko taasisee kan itti ibsee waan ta’eef. Guyyaa kana jilbeeffannan (sagadni), kadhaan, dubbisootni akkuma barametti ni raawwata, adda kan taasisuu (seerri addaa) bulmataa (Taabota) huccuu gurraachi itti uwwifama, kadhaa ni kadhatama.  Manni amantaas ixaanan ni arfama. Daaqonotni bishaan gandaa lamatti ni dhiyeessu. Tokko miilaaf yoo ta’u inni tokko immoo harkaaf ni oola. kadhaa Akoteeta kan jedhamuu erga dubbifamee ykn kadhatamee booda, kitaabni wangeelli dubbifamee, bishaanichis  luubaan, /phaaphaasii dhaan eebbifame  seerri dhiquu lubootan ni raawwata.   

Seerris kan raawwatu, bishaan qofaan osoo hin taanee, baala ejersaa fi wayinitinis ni raawwata. Iccitin isaas ejersi jabaa, cimaa akkuma ta’e, kiristaannis rakkinna cimaa fudhaachuu akka qabuu ibsuu irraan kan hafee, nuti kan ittin dhiqannu, nuti kiristaanonni gidiraa(dhiphina), dhiphina dhufu fudhaachuuf qopha’oo dha jechuu keenya ibsuufi. Baalli waayini immoo dhiigaa isaa waayniidhaan fakkassee ummataaf dhugaati jireenya akka ta’uuf   kennuu fi yaadannoo taasisuufi(Maatiwos 26:26) . Seerri kun Gooftaan keenya Iyyasuus Kiristoos duuka bu’oota Isaaf kan raawwatee ummata barsiisuu dha. Yohaannis 13:14. Abbootni beektoota mana amantaas karaa bitaa fi mirgaa dhaabbachuu dhaan “Duuka bu’oota isaa kabaje,luka isaanis dhiqe” jechuudhaan ni farfatu. Seerri Kun erga raawwateee booda sirni galataa (qiddaasee) gaggeeffamee, ummataaf quluqulluun foon isaa fi dhiigni ni kennama. 

Sirna galateefannaa (Sirna Qiddasee) gaafa kamisaa:-sEerri galataa kan gaggeeffamuu  sagalee tasgaaba’ani dha. Kun kan ibsuu Ayihuudotni Gooftaa iccitiidhaan qabsisuu fi kadhaan yeroo kakuu moofaa bu’aan isaa jireenya lafarra qofaf ta’uu ibsuufi. Ummaatnis osoo eebba (buraakee) fi nuzaazee hin fudhatin ni galu.

Guyyaa Jimaata ganama: - guyyaan jimaata bilisummaa Addaam deebisuu dhaaf Gooftaan keenyaa Iyyasuus Kiristoos gatii cubbuu guyyaa itti nuuf baatee, guyyaa gaddaa fi guyyaa faayyinaati. Guyyaa kana wanti hunduu akka barametti ni rawwatama.  Nuuf dhisii Izlii dhaan ummata ni durfama ummatnis ni hordofu, wangeelli arfaan ni dubbifamu. Walakkaa dhaanis “Dursoonni lubootaa yoo bari’u irratti mari’atan” yeedaloodhaan jedhamuu harka fuudhinsa ummata waliin ni taasifama. Dubbisni, sagadni (jilbeeffannan) ni fi digguwan itti fufa.

Sa’atii 3 irraatti:- fakkii fannoo, faannoo, wangeelli,dungoon balbala kutaa mana amantaa duratti ni qophaa’a.  Daaqononnis warra  ‘ na ari’atan ari’i,warra na dhiiban,dhiibi”jedhu  luubotni  fi uummatnis yeedaloodhaan  jalaa qabu. Misbaakin jedhamee wangeelli arfanu ni dubbifama. Walakka dhaanis digguwaan sa’ati sadii ni jedhama. Yemmuu Abbootni luubotni nuuf faarfatan nutis jalaa qabnee akka armaan gadiitti KIRIYAALAAYISOON jechaa sagadna(jilbeeffanna):. Innis si’a 41 dha kan jedhamu kunis kan ibsu rakkina Gooftaan Keenya Iyyasuus Kiristoos si’a 41 muka ejersatin reebamu isaatin fakkeeffama.

    Kiriyaalaayisoon……….si’a shan jedhama

    Kiriyaalaayisoon………Ibinodii naayin

    Kiriyaalaayisoon………Taa’oos naayin

    Kiriyaalaayisoon……....Maasiyaas naayin

    Kiriyaalaayisoon……..Iyyasuus naayin

    Kiriyaalaayisoon……..kiristoos naayin

    Kiriyaalaayisoon……..Amaanu’eel naayin

    Kiriyaalaayison……….Tisbuxaa naayin

Sa’atii jaha:-  Dursaan Izlii guyyaa sanaa dursaa luubotni xinaa qabatani karbee aarsaa, daaqonotni ibsa ibsaa (shaamaa, dungoo) “ Fannoo keetiif ni sagadna” kan jedhu ni weeddifama.  Ummatnis yeedaloo jalaa qaba ni sagadu. Daaqonin Misbaakii,” “Lukaa fi harka koo na waraanan” erga jedhani booda, wangeelli arfanu ni dubbifamu. Digowan ni weeddifamaa. Kana booda ummatni ni ta’u. Luubni sadii huccuu gurracha uffachuu dhaan zeema nama gaddisisuu ni jedhu ‘amnisitiitii mukaariiyaa aantii faasiliyaasu’; Gooftaa koo anaaf duute, bade ani siif haa du’u’ jechuun yeroo sadi ni faarfatu

“Uummatnis ka’ee jala qaba kanatti ansuu dhaan ‘Yaa Gooftaa koo mootummaa keetti na yaadadhu’  jedhame ni weeddifama. Sirni jilbeeffannas ni taasifama.

Sa’ati sagal:-  warrii kaan akkuma baraman ta’ee oo ‘du’a foonii dhandhame’  si’a sadii luubotni weedduudhaan ni jedhu. Ergaa misbaakiin, wangeelli arfan dubbifamee sagadamee booda barumsi wangeela uummataf ni kennama. 

Sa’atii 11:- Lubootni karaalee kallatti 4 dhaabatani 400 igzi’oota( yaa Gooftaa nuuf dhiisi) ni gaggeessu, faaruu guyyichaa ilaallatus ni farfatama. ‘Ni galateeffanna’ jecha bataskaana i nanna’uun dibbeedhaan, Xinaadhaan Waaqayyo ni galateeffama. ummatni torbaan dhiphina keessa kan hojjata himatani gaabbii fudhatani, luubootnis sagada sagadaa oolan irratti dabalatni kennameefi booda gara mana isaanitti ni gaggeefamu.

Fannoo dhungachuun hin danda’amu.  Kan danda’ee kamisaa irraa kaasee, warri hin dandeeye immoo jimaata halkani kaasaani hangaa guyyaa du’aa ka’umsaatti ni soomama kan jalqabamees guyyaa kamisaa irraa duuka bu’oota fi Haadha keenya dubroo Maariyaami akka ta’an abbootni ni barsisuu.

Itti fufa...............................................